Шры-Ланка запытала ў Расіі кампенсацыю за забітых на вайне ва Украіне наёмнікаў
Пытанне аб выплатах сем'ям забітых і параненых уздымалася на перамовах у Маскве падчас візіту дэлегацыі Шры-Ланкі на чале з дзяржміністрам замежных спраў Таракам Баласурыяй, піша Расійская служба Радыё Свабода.
Ланкійцы, што ваявалі на баку Расіі. Фота: The Diplomat
Прадстаўнікі Шры-Ланкі сустрэліся з намеснікам кіраўніка МЗС Расіі Андрэем Рудэнкам і намеснікам міністра абароны Аляксандрам Фаміным. На перамовах ішла размова аб выплаце кампенсацый сем'ям 17 загінулых і параненых на вайне, датэрміновым скасаванні кантрактаў завербаваных і выплаце ўзнагароджанняў. Колькасць параненых у паведамленні ланкійскага МЗС не прыводзіцца.
Усяго, паводле звестак СМІ, у расійска-ўкраінскай вайне з абодвух бакоў удзельнічаюць не менш за дзве тысячы ланкійцаў.
МЗС Расіі наконт падрабязнасцяў сустрэчы не інфармавала.
Раней МЗС Шры-Ланкі паведамляў, што на вайну многіх ланкійцаў вербавалі падманам. Расійскі бок, як сцвярджаецца, абяцаў наймітам высокія заробкі, працу ў тыле і грамадзянства.
Разам з тым у канцы мінулага года ланкійскія ўлады спынілі ў краіне працу агенцтва, якое вербавала грамадзян для ўдзелу ў баявых дзеяннях на баку Украіны.
Чытайце таксама:
Расія вярбуе ў сваё войска маладых афрыканцаў — Bloomberg
У Расіі расказалі, як вырашаюць праблему з мігрантамі — іх адпраўляюць на вайну ва Украіну
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)