Замест Booking: на беларускі рынак арэнды кватэр прыйшоў буйны расійскі гулец
На беларускі рынак арэнды кватэр прыйшла расійская кампанія «Суточно.ру». У расійскім сэрвісе з'явіліся прапановы па сутачнай арэндзе ў Мінску і іншых гарадах Беларусі. Цэны на партале прадстаўленыя ў расійскіх рублях.
Так, на найбліжэйшыя дні студыя ў «Мінск-Свеце» каштуе 4100 расійскіх рублёў (46 даляраў) за дзень, студыю каля «Дана Мол» на Усходзе можна зняць за 5454 рублі (61 даляр) за дзень.
У Беларусі дапамогу ў арэндзе кватэр на суткі прапануюць мясцовыя сэрвісы «Куфар. Нерухомасць» і Realt, а таксама расійскі «Островок».
Міжнародныя сэрвісы Booking.com і Airbnb.com пайшлі з беларускага рынку ў 2022 годзе пасля пачатку поўнамаштабнай вайны Расіі супраць Украіны.
Сэрвіс «Суточно.ру» запусцілі ва Ульянаўску ў 2011 годзе. Пасля пакідання рынку міжнароднымі кампаніямі ён з'яўляецца самым папулярным у сваім сегменце ў Расіі.
Чытайце таксама:
Якімі кватэрамі і аўто валодае бізнэсмен Аляксей Алексін, набліжаны да Лукашэнкі
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)