У Гомелі бяспраўнік збіў дзіця ў двары, калі малы пабег глядзець на кацянят
Мужчына раней быў пазбаўлены правоў за кіраванне ў нецвярозым стане.
Скрыншот: Следчы камітэт
Здарэнне адбылося ў сакавіку ў двары па вуліцы Дворнікава ў Гомелі. Volkswagen пад кіраваннем 40-гадовага мужчыны наехаў на маленькае дзіця.
Як высветліла следства, хлопчык непрыкметна выйшаў з машыны, пакуль бацькі адшпільвалі дзіцячае крэсла яго сястры і збіралі пакеты з пакупкамі.
Малы ў акно ўбачыў кацянят і пабег паглядзець на іх бліжэй. У гэты час у двары паркаваўся Volkswagen. Кіроўца здаваў назад і наехаў на дзіця.
Хлопчык са шматлікімі траўмамі быў шпіталізаваны, яго чакае доўгая і цяжкая рэабілітацыя.
Следчыя ўстанавілі, што 40-гадовы кіроўца ў 2023 годзе быў пазбаўлены правоў на тры гады за п'янае кіраванне.
Чытайце таксама:
У Смаргоні матацыкліст на поўнай хуткасці ўрэзаўся ў легкавік ВІДЭА
Матацыкліст уляцеў у легкавік у Мінску
«Кіроўцы няма». На трасе каля Мар’інай Горкі адбылася жудасная аварыя, дарогу перакрывалі
