Дызайнеры распрацавалі адзенне з жэлаціну
Калі сукенка з жэлаціну выйдзе з моды, яе можна растварыць у гарачай вадзе, а затым стварыць новую тканіну.
Ілюстрацыйнае фота
Як паведамляе выданне Science Daily, вучоныя з Універсітэта Каларада (ЗША) распрацавалі машыну, якая прадзе тэкстыльныя валокны з такіх матэрыялаў, як жэлацін. Сцвярджаецца, што новыя «біявалокны» па адчуваннях нагадваюць тканіну з лёну. Пры гэтым яны раствараюцца ў гарачай вадзе.
Распрацаваная вучонымі машына каштуе каля 500 долараў і лёгка змяшчаецца на стале. Спачатку сумесь жэлаціну раствараецца ў пластыкавым шпрыцы, затым з яго выціскаюцца кропелькі сумесі, якія два ролікі расцягваюць у доўгія валокны. Атрыманыя валокны праходзяць праз водныя ванны, у якія можна дадаць фарбавальнік ці дабаўкі, якія зробяць іх мацнейшымі.
Аўтары спадзяюцца, што іх вынаходка дапаможа любому чалавеку эксперыментаваць са стварэннем уласных біявалокнаў. Яны запэўніваюць, што можна наладзіць трываласць і эластычнасць валакна і выбраць колер.
Новая распрацоўка павінна дапамагчы вырашыць праблему перапрацоўкі адкідаў. Як вядома, штогод на звалку выкідаюцца дзясяткі мільёнаў тон тэкстылю. Акрамя гэтага, марнуецца і маса жэлаціну, вырабленага з костак жывёл, які не адпавядае патрабаванням да касметыкі ці прадуктаў.
Аўтары сцвярджаюць, што можна змяніць хімічны склад валокнаў і зрабіць іх больш пругкімі. Гэта дапаможа, напрыклад, куртцы, вырабленай з выкарыстаннем такога валакна, не растварацца пад дажджом. У якасці сыравіны разглядаюцца і іншыя натуральныя інгрэдыенты, якія звычайна ідуць у адкіды, напрыклад, хіцін з крабавых панцыраў ці агар-агар з багавіння.
Чытайце таксама:
Вучоныя абяцаюць, што неўзабаве поначы будзе бачыць кожны чалавек
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)