Генпракуратура Украіны паведаміла пра абезгалоўліванне ўкраінскіх палонных расійскімі вайскоўцамі
Генеральны пракурор Украіны Андрэй Косцін у сацсетцы X згадаў пра «новыя жудасныя доказы злачыннай палітыкі РФ, накіраванай на знішчэнне ўкраінцаў».
Фота: x.com/AndriyKostinUa
Паводле Андрэя Косціна, ягонае ведамства атрымала інфармацыю, што расійскія камандзіры аддалі загад не браць у палон украінскіх вайскоўцаў, затое забіваць іх з нечалавечай жорсткасцю — шляхам абезгалоўлівання. Факт здзяйснення падобнага злачынства, паводле яго, быў зафіксаваны ў Данецкай вобласці.
Як сцвярджае ўкраінскі генеральны пракурор, «гэтыя злачынныя загады былі аддадзеныя на ўзроўні кіраўніцтва батальёна і роты акупацыйных войскаў».
У пацвярджэнне слоў ён апублікаваў фота ўкраінскага бронеаўтамабіля «Козак-7», на капоце якога, мяркуючы па ўсім, ляжыць галава чалавека, якая на здымку заблюраная.
Чытайце таксама:
Украіна і Расія правялі першы з лютага абмен ваеннапалоннымі
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)