У парадзе 3 ліпеня ў Мінску возьмуць удзел вайскоўцы з Азербайджана і іншых краін
Свае дэлегацыі ў Мінск гатовая накіраваць 21 краіна.
Фота: Мінабароны
Вайскоўцы з Расіі, Азербайджана, Казахстана, Кыргызстана, Узбекістана, Таджыкістана і Кітая прымуць удзел у парадзе ў Мінску 3 ліпеня.
Пры гэтым удзел у святочных мерапрыемствах пацвердзілі міжнародныя дэлегацыі і прадстаўнікі 21 дзяржавы, паведамляе БелТА са спасылкай на Мінабароны.
«Разам з беларускімі вайскоўцамі па вуліцах беларускай сталіцы 3 ліпеня пройдуць пешыя парадныя разлікі з Расіі, Азербайджана, Казахстана, Кыргызстана, Узбекістана, Таджыкістана і Кітая», — сказана ў паведамленні Мінабароны.
Такім чынам, у парадзе возьмуць удзел разлікі з васьмі краін. Упершыню перад гледачамі праедуць комплексы «Іскандэр-М», здольныя несці ядзерную зброю. Акрамя таго, у парадзе возьмуць удзел танкі Т-34, якія прыбылі з Расіі.
Чытайце таксама:
«Гатовы выканаць баявую задачу». У Беларусь прыехалі расійскія танкі Т-34
Мінабароны распавяло пра асаблівасці парада да Дня Незалежнасці
Упершыню ў вайсковым парадзе ў Мінску возьмуць удзел «Іскандэры»
Побач з «Іскандэрамі» на парадзе ў Мінску праедуць трактары МТЗ
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)