Германія звяла да мінімуму любыя кантакты з дзяржорганамі Беларусі. Але ёсць адно выключэнне
Адно з нямецкіх міністэрстваў захоўвае кантакты з беларускімі калегамі.
Канцлер Германіі Олаф Шольц. Фота: AP
Урад Германіі звёў да мінімуму супрацоўніцтва і кантакты з дзяржаўнымі органамі Беларусі. Пра гэта паведамляецца ў адказе на запыт дэпутата Бундэстага Сары Вагенкнехт, піша Deutsche Welle.
У адказе ўрада ФРГ гаворыцца, што прэзідэнцкія выбары 9 жніўня 2020 года, якія адзначыліся масавымі фальсіфікацыямі, рэзкае пагаршэнне сітуацыі з правамі чалавека ў Беларусі і падтрымка агрэсіўнай вайны Расіі супраць Украіны моцна ўскладнілі двухбаковыя адносіны Беларусі з Германіяй і Еўрапейскім cаюзам.
Пасольства Германіі ў Мінску падтрымлівае толькі неабходныя працоўныя кантакты з беларускімі дзяржорганамі.
Так, Федэральнае міністэрства транспарту і лічбавай інфраструктуры Германіі супрацоўнічае з беларускім Мінтрансам у галіне трансгранічных аўтамабільных грузаперавозак.
Чытайце таксама:
Дзіцячы лагер на Лідчыне закрылі з-за надпісаў па-англійску і сцяжка Германіі
Дзве краіны ў ЕС прапанавалі не абмяжоўваць вываз люксавых тавараў у Беларусь
Стала вядома, якія краіны далі найбольш шэнгенскіх віз беларусам і хто часцей адмаўляў
