Прэм'ер-міністарку Даніі пабілі на вуліцы Капенгагена

Пра інцыдэнт паведамілі ў канцылярыі дацкай прэм'еркі Метэ Фрэдэрыксэн, удакладніўшы, што яна «шакаваная тым, што здарылася», але не дае далейшых каментароў.

Метэ Фрэдэрыксэн. Фота: AP Photo/Jeremias Gonzalez

«Прэм'ер-міністарка Даніі Метэ Фрэдэрыксэн сёння падвергнулася нападу і збіццю з боку мужчыны на вуліцы Культарвет у Капенгагене. Метэ, натуральна, шакаваная нападам. Павінен сказаць, што гэта скаланула ўсіх нас, хто з ёй блізкі», — паведаміў міністр навакольнага асяроддзя Магнус Хойніке ў сацсетцы Х.

Мужчына, які пабіў прэм'ер-міністарку, затрыманы. Матывы нападніка пакуль невядомыя.

Чытайце таксама:
Прэм'ер Славакіі ўпершыню звярнуўся да нацыі пасля замаху на сваё жыццё. Даруе стралку, але не апазіцыі
Пуцін пачаў насіць на публічных мерапрыемствах бронекамізэльку
Стала вядома, хто страляў у славацкага прэм'ера Фіца

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ