Белы дом патлумачыў, ці можна Украіне збіваць над тэрыторыяй Расіі самалёты
Украінская армія не абмежаваная ў тым, каб збіваць расійскія баявыя самалёты, якія нясуць патэнцыйную пагрозу або праводзяць бамбардзіроўкі авіяцыйнымі бомбамі і пры гэтым знаходзяцца над расійскай тэрыторыяй. Такую пазіцыю выклаў у аўторак дарадца Белага дома Джон Кірбі, адказваючы на адпаведнае пытанне.
Джон Кірбі. Фота: Evan Vucci / AP Photo
«Я проста хачу адзначыць, што ў гэтым кантэксце існуе некаторая блытаніна. Ніколі не было абмежаванняў на тое, каб украінцы збівалі варожыя самалёты, нават калі гэтыя самалёты не абавязкова знаходзяцца ва ўкраінскай паветранай прасторы», — адзначыў Кірбі.
Ён удакладніў, што УСУ «могуць збіваць расійскія самалёты, якія ўяўляюць немінучую пагрозу». Больш таго, паводле ягоных слоў, украінскія вайскоўцы гэта ўжо робяць і рабілі з самага пачатку вайны.
Чытайце таксама:
ЗША гатовыя абмяркоўваць з Украінай пашырэнне геаграфіі ўдараў па Расіі
Нідэрланды дазволілі Украіне выкарыстоўваць F-16 для нанясення ўдараў па цэлях у Расіі
Як Украіна пераконвала ЗША дазволіць біць амерыканскай зброяй па цэлях у Расіі
