З Беларусі сыходзіць латышскі вытворца лекаў
Латышскі вытворца лекаў Olainfarm прыняў рашэнне цалкам пакінуць беларускі і расійскі рынкі, паведаміў старшыня праўлення кампаніі Яніс Букс.
Фота: pharmprom.ru
Паводле Яніса Букса, у гэты момант Olainfarm працуе над стварэннем новага партфелю лекаў, з якім вытворца мог бы выйсці на заходні рынак, цалкам пакінуўшы краіны, якія непасрэдна ці ўскосна бяруць удзел у вайне супраць Украіны. Стварэнне такога партфелю зойме не менш за 4—6 гадоў.
На пытанне аб тым, чаму кампанія не адмовілася ад гандлю з Расіяй да гэтага часу, старшыня праўлення адказаў, што гэта было «справай іншых асобаў, якія прымаюць рашэнні ў кампаніі».
Кампанія Olainfarm займаецца вырабам лекавых прэпаратаў і харчовых дадаткаў, а таксама вытворчасцю хімікатаў і актыўных хімічных інгрэдыентаў.
Найбольш вядомыя прэпараты гэтай кампаніі, прадстаўленыя ў Беларусі — «Адаптол», «Фенкарол», «Наафен» і «Этацызін».
Чытайце таксама:
У Літву без ежы, напояў і цыгарэт. Што адбываецца з увозам беларускіх тавараў у Літву?
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)