Колькі атрымліваюць на аршанскім заводзе «Легмаш», які цяпер працуе на вайну
Завод «Легмаш» у Оршы, які да вайны выпускаў тэкстыльныя стропы і казаны для плову, цяпер арыентуюць на патрэбы вайны. На дзяржТБ расказалі, якія там зарплаты.
На заводзе «Легмаш». Фота: БелТА
Як сцвярджаюць на БТ, заробкі ў работнікаў — 2500-2800 рублёў.
«І вышэйшай адукацыі для канкрэтна гэтай працы не трэба», — дадаюць.
Калі зайсці на сайт службы занятасці, то на заводзе «Легмаш» адкрыта 67 вакансій. З таго, што ёсць, самы высокі заробак прапануюць абрубшчыку — 1800-2000 рублёў. Інжынераў шукаюць на заробак 1600-1800 рублёў, там патрэбна вышэйшая адукацыя.
На заводзе «Легмаш». Фота: БелТА
Нагадаем, 29 мая Аляксандр Лукашэнка наведаў завод «Легмаш» у Оршы. Яго там сустракаў Дзмітрый Пантус, кіраўнік Дзяржаўнага вайскова-прамысловага камітэта, які кіруе прадпрыемствамі беларускага ВПК. Сярод асартыменту прадукцыі завода, якую дэманстравалі Лукашэнку, былі тармазныя колцы для расійскага РСЗА «Град». А таксама корпусы для артылерыйскіх снарадаў.
Лукашэнка на заводзе «Легмаш». Фота: БелТА
Лукашэнка паставіў перад прадпрыемствам задачу захаваць і нарошчваць выпуск прадукцыі мірнага прызначэння разам з засваеннем вытворчасці новых вырабаў для ВПК.
Апытанка
Чытайце таксама:
Чаму 31-гадовага дырэктара «Легмаша» на сустрэчу з Лукашэнкам апранулі ў форму?
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)