Зяленскі: Украіна прызнае і Ізраіль, і Палесціну
Прэзідэнт Украіны Уладзімір Зяленскі на форуме «Дыялог — Шангры-Ла» ў Сінгапуры заявіў, што гатовы зрабіць усё для завяршэння канфлікту на Блізкім Усходзе.
Зяленскі на форуме ў Сінгапуры. Скрын трансляцыі
Зяленскі казаў, што прызнае права Ізраіля на самаабарону, як гэта было ў кастрычніку 2023-га.
«Украіна сказала, што калі тэрарысты з ХАМАСа — гэта было ў першы дзень атакі на грамадзянскае насельніцтва Ізраіля — атакуюць грамадзянскае насельніцтва, Ізраіль мае права абараняцца», — нагадаў Зяленскі.
Але дадаў таксама, што Украіна гатовая дапамагаць Газе гуманітарна, каб пазбегнуць крызісу.
«Украіна прызнае дзве дзяржавы, і Ізраіль, і Палесціну, і зробіць усё, каб Ізраіль спыніўся, каб скончыўся гэты канфлікт і каб цывільныя людзі не пакутавалі. Таму не блытайце, калі ласка, два перыяды і не змешвайце іх у адзін»,
— заявіў Зяленскі.
Чытайце таксама:
Расія намагаецца сарваць Саміт міру, а Кітай выступае інструментам у руках Пуціна — Зяленскі
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)