Дональд Трамп апублікаваў першае відэа ў тыктоку
Амерыканскі мільярдэр і 45-ы прэзідэнт ЗША Дональд Трамп далучыўся да тыктоку, які належыць кітайскаму тэхналагічнаму гіганту ByteDance. Трамп спрабаваў забараніць платформу, калі быў прэзідэнтам ЗША.
Трамп апублікаваў сваё першае відэа ў тыктоку ў суботу ўвечары. Ён сабраў ужо больш за 700 тысяч падпісчыкаў.
Спроба Трампа забараніць TikTok у 2020 годзе была заблакаваная судамі. У сакавіку 2024 года ён заявіў, што платформа ўяўляе пагрозу нацыянальнай бяспецы.
Прэзідэнт ЗША Джо Байдэн падпісаў закон, які забараняе TikTok у ЗША, калі кітайская кампанія ByteDance не прадасць сацсетку на працягу года.
TikTok і кітайская кампанія ByteDance выдаткавалі ў гэтым годзе 7 мільёнаў долараў, каб паспрабаваць перашкодзіць ураду ЗША забараніць сацыяльную сетку ў краіне, піша «Эканамічная праўда».
Чытайце таксама:
Зяленскі мяркуе, што Трамп можа стаць «прэзідэнтам-лузерам»
Што азначае абвінаваўчы вердыкт Трампу? Ці могуць патэнцыйнага прэзідэнта насамрэч кінуць за краты?
Трамп заявіў, што бамбіў бы Маскву, калі б Расія ўварвалася ва Украіну пры ягоным прэзідэнцтве
