Сталі вядомыя прычыны арышту шумілінскага ксяндза Юхневіча
Ксяндзу-аблату Анджэю Юшкевічу з Шуміліна паставілі ў віну размяшчэнне ў фэйсбуку фатаграфій са сваёй выявай з бел-чырвона-белым сцягам і сцягам Украіны, даведалася «Хрысціянская візія».
Гэта паслужыла падставай для прыцягнення клірыка па ч. 1 арт. 24.23 КаАП (парушэнне ўстаноўленага парадку правядзення пікетавання). Суддзя суда Першамайскага раёна Віцебска Наталля Карабліна 10 траўня дала яму 15 сутак арышту.
Пра выхад ксяндза Юхневіча на волю, у адрозненне ад ягонага калегі Паўла Лемеха, пакуль не паведамлялася.
Айцец Анджэй Юхневіч — старшыня каардынацыйнай групы настаяцеляў і прадстаўнікоў манаскіх суполак Беларусі. Гэта касцёльны орган, які займаецца супрацоўніцтвам паміж манаскімі ордэнамі.
Чытайце таксама:
Стала вядома, за што судзілі шумілінскага ксяндза Лемеха
Святара з Шуміліна Паўла Лемеха выпусцілі на волю
Каталіцкага святара з Шуміліна не выпусцілі пасля 10 сутак, судзілі паўторна
Сталі вядомы прысуды святарам з Шуміліна
Святароў з Шуміліна судзілі дыстанцыйна, а затрымалі не толькі іх
