Грузія мае намер да 2030 года вярнуць Абхазію і Паўднёвую Асецію і стаць членам ЕС
Кіраўнік урада Грузіі Іраклій Кабахідзэ павіншаваў суайчыннікаў з Днём незалежнасці, які краіна святкуе 26 траўня і заявіў, што краіна мае намер на працягу шасці гадоў вярнуць акупаваныя Расіяй тэрыторыі.
Іраклій Кабахідзэ. Фота: newsgeorgia.ge
«Наша грузінская мара — жыць у адзінай і моцнай Грузіі да 2030 года разам з нашымі абхазскімі і асецінскімі братамі і сёстрамі. Адзіная і моцная Грузія павінна стаць паўнапраўным членам еўрапейскай сям'і ў 2030 годзе!» — заявіў Кабахідзэ ў віншаванні.
Прэм'ер з'яўляецца лідарам кіруючай партыі «Грузінская мара». Дэпутаты ад гэтай партыі раней прынялі закон аб замежных агентах, пасля чаго ў Еўрасаюзе заявілі аб магчымай адмене бязвізавага рэжыму і пазбаўленні Грузіі статусу кандыдата ў члены ЕС.
Грузія святкуе Дзень незалежнасці 26 траўня ў памяць аб утварэнні Грузінскай дэмакратычнай рэспублікі ў 1918 годзе.
Чытайце таксама:
ЗША ўвядуць візавыя санкцыі за падрыў дэмакратыі ў Грузіі
Прэзідэнт Грузіі заклікала Макрона прыехаць у Тбілісі на фоне пратэстаў
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)