Бубнач «Карозіі металу» трапіў у кому пасля затрымання на канцэрце. Гурт спыняе дзейнасць
Барабаншчык трэш-метал-гурта «Карозія металу» трапіў у кому пасля таго, як супрацоўнікі Расгвардыі ўварваліся ў клуб, дзе праходзіў канцэрт. Там былі затрыманыя тры музыкі і каля 40 гледачоў.
Лідар «Карозіі металу» Сяргей «Павук» Троіцкі
«Бубнач» Марк [Бейгун] знаходзіцца ў коме пасля нападу трох бугаёў у час ніжагародскай бойні», — напісаў лідар гурта Сяргей «Павук» Троіцкі. Што менавіта адбылося з Бейгуном, Троіцкі не паведаміў.
Троіцкі таксама заявіў «Известиям», што гурт прыпыняе сваю дзейнасць, бо не можа рэкламаваць канцэрты і запрашаць туды людзей.
27 красавіка ў клуб «Нянавісць» у Ніжнім Ноўгарадзе, дзе з канцэртам выступаў гурт, уварваліся сілавікі.
Мяркуючы па відэа, гледачам загадалі легчы тварам у падлогу, некаторых з іх збілі.
Па словах дырэктара групы Марыі Руновай, падставай сталі старажытнаславянскія сімвалы» ў выглядзе розных вобразаў сонца з загнутымі па крузе прамянямі», размешчаныя на мерчы калектыву.
На наступны дзень суд аштрафаваў траіх музыкаў, у тым ліку Троіцкага, на адну тысячу рублёў — па артыкуле аб дэманстрацыі забароненай сімволікі. Паводле суда, Троіцкі на канцэрце прадаваў мерч «з выявай сімволікі нацызму», а гітарысты «публічна дэманстравалі сімволіку нацызму на сваіх футболках».
Чытайце таксама:
Нечаканы працяг кар’еры Сашы Грэй. Чым цяпер займаецца былая зорка фільмаў для дарослых?
«Пугачова пагрузілася ў свет пошласці». «Расія 1» патлумачыла, як цяпер трэба ставіцца да Пугачовай
Нявестка Лукашэнкі атрымала ў Расіі дыплом на прэміі «Шансон года — 2024»
