Марыя Васілевіч расказала, куды яе клічуць на працу
Былая дэпутатка Марыя Васілевіч расказала пра магчымыя варыянты працаўладкавання.
Марыя Васілевіч. Скрын відэа BelarusOneTV / YouTube
У праграме «Скажынемаўчы» у мадэлі і абаронцы жывёл Марыі Васілевіч спыталі, чым яна цяпер будзе займацца. Экс-дэпутатка не змагла дакладна адказаць, заўважыўшы, што пакуль разглядае прапановы:
«Я пакуль не магу сказаць, дзе выкарыстаю свае веды і вопыт, таму што пакуль вызначаюся. Але безумоўна хочацца знайсці тую сферу, дзе я змагу ўнесці вялікі ўклад, каб яшчэ паляпшаць тыя сферы, якімі я раней займалася».
Разам з гэтым Васілевіч заўважыла, што ў яе ёсць прапановы з тэлебачання, якія яна «вельмі актыўна разглядае, таму што гэта творчая кухня пакідае самыя прыемныя ўражанні. Тут ёсць свая лёгкасць і азарт».
Нагадаем, што Васілевіч да працы ў парламенце была вядучай праграмы «Добрай раніцы, Беларусь!». А ў час працы ў Нацыянальным сходзе была ініцыятарам прыняцця закона «Аб адказным абыходжанні з жывёламі», які быў падпісаны Лукашэнкам 1 красавіка 2024 года.
Чытайце таксама:
Лукашэнка падпісаў закон «Аб адказным абыходжанні з жывёламі»
Дэпутатка Марыя Васілевіч атрымала дыплом «Маскоўскага інстытута псіхааналізу»
У дэпутаты ідзе 22-гадовая спадарожніца Лукашэнкі Марыя Васілевіч
