Расія можа планаваць маштабны наступ у чатырох абласцях
Расія можа рыхтаваць наступ у канцы вясны ці летам з намерам захапіць больш тэрыторый Данецкай, Херсонскай, Луганскай і Запарожскай абласцей, піша The Financial Times са спасылкай на ўкраінскіх і заходніх чыноўнікаў.
Ілюстрацыйны здымак. Фота: ЗСУ
«Афіцыйныя асобы ў Кіеве таксама занепакоеныя тым, што Масква можа планаваць напад на Харкаў, другі па велічыні горад Украіны на паўночным усходзе. Яна мабілізуе сотні тысяч вайскоўцаў і абстрэльвае горад ракетамі ў рамках падрыхтоўкі», — піша выданне.
Асноўныя намаганні Расіі сканцэнтраваны вакол шахцёрскага горада Часавы Яр, размешчанага на вяршыні ўзгорка ўсяго ў 15 км на захад ад Бахмута, горада, разбуранага і акупаванага расійскімі салдатамі і наймітамі «Вагнера» амаль год таму пасля знясільваючых 11-месячных баёў.
Чытайце таксама:
Германія перадасць Украіне яшчэ адзін комплекс Patriot
Украінскае камандаванне паведаміла пра пагаршэнне сітуацыі на фронце на ўсходзе краіны
Украіна плануе пачаць контрнаступ у 2025 годзе, калі «пратрымаецца» ў 2024 годзе
