У Швейцарыі назвалі дату і месца правядзення «Саміта міру»
Урад Швейцарыі правядзе двухдзённую канферэнцыю высокага ўзроўню па ўрэгуляванні вайны ва Украіне пад назвай «Саміт міру» на курорце Бюргеншток ў кантоне Нідвальдэн паблізу горада Люцэрн, паведаміла выданне Blick са спасылкай на швейцарскі Дэпартамент замежных спраў.
Фота: Lukasz Janyst / vecteezy.com
Гэтая сустрэча павінна стаць платформай для дыялогу на высокім узроўні аб шляхах дасягнення ўсёахопнага, справядлівага і працяглага міру ва Украіне на аснове міжнароднага права і Статута ААН, гаворыць швейцарскі МЗС.
Канферэнцыя павінна стварыць агульнае разуменне рамак, якія будуць спрыяць дасягненню гэтай мэты. Яна таксама павінна распрацаваць канкрэтную дарожную карту для ўдзелу Расіі ў мірным працэсе.
Аднак, як заўважае швейцарскае МЗС, ёсць яшчэ шмат невядомых момантаў. Пакуль невядома, якія краіны возьмуць удзел у саміце. Чакаюць, што запрашэнні дашлюць 80-100 дзяржавам. Пры гэтым Расія ўжо заявіла, што не будзе ўдзельнічаць у перамовах у Швейцарыі.
У сваю чаргу, у Офісе прэзідэнта Украіны заяўляюць, што Расія, якая парушае ўсе міжнародныя правілы і гуманітарныя нормы, не можа быць удзельніцай першага глабальнага Саміту міру, нават каб хацела гэтага.
Швейцарыя пагадзілася арганізаваць Саміт міру на просьбу Украіны, пра што абедзве дзяржавы аб'явілі 15 студзеня падчас візіту Уладзіміра Зяленскага ў Берн.
Чытайце таксама:
Пяскоў заявіў, што РФ не пацерпіць па суседстве краіну з «агрэсіўнымі памкненнямі»
Эрдаган заявіў, што гатовы правесці перамовы Украіны і Расіі. Зяленскі адказаў
«Я не мяняў нумар». Макрон заявіў, што гатовы размаўляць з Пуціным пра спыненне вайны ва Украіне
