У Беларусі па палітычных матывах пераследуюць як мінімум двух грамадзян Узбекістана і аднаго грамадзяніна Казахстана
Так, у «спісе экстрэмістаў» значыцца асуджаны за «абразу прадстаўніка ўлады» 62-гадовы грамадзянін Узбекістана Ільдар Таўхітаў.
Па стане на жнівень 2023 года было пазначана, што ён адбывае пакаранне, піша «Вясна».
За ўдзел у акцыях пратэсту ў 2022 годзе асудзілі грамадзяніна Узбекістана Віктара Новіка з жонкай Вольгай. Суд Ленінскага раёна прызнаў іх вінаватымі ў «актыўным удзеле ў дзеяннях, якія груба парушаюць грамадскі парадак».
У наваполацкай калоніі № 1 адбывае тэрмін жыхар Петрыкава, які мае грамадзянства Казахстана, Віталь Скударнаў. 11 лютага 2022 года яго асудзілі ў Гомелі за «распальванне іншай сацыяльнай варожасці», «абразу прадстаўніка ўлады» і «абраза Лукашэнкі». Тэрмін таксама невядомы.
Чытайце таксама:
Сілавікі затрымалі былога палітвязня, закідаюць здраду дзяржаве
