З брэсцкага аэрапорта ўпершыню за 30 гадоў пачалі лётаць самалёты ў Маскву
3 красавіка аэрапорт Брэста прыняў першы рэгулярны рэйс з Масквы. Ён не рабіў гэтага з 1993 года, а чартарнай праграмы ў абласным аэрапорце не было з 2021-га.
Брэсцкі аэрапорт. Фота: brest.aeroport.website
Першы рэйс з маскоўскага аэрапорта «Шарамеццева» ў Брэст выканаў самалёт Embraer-175.
Цяпер, як мяркуюцца, такія рэйсы будуць выконвацца двойчы на тыдзень — па серадах і суботах, пералёт у адзін бок займае 1 гадзіну 45 хвілін. Вылет з Масквы — у 13:45, прылёт у Брэст — у 15:40; вылет з Брэста — у 16:35, прылёт у Маскву — у 18: 20.
Таксама з 13 мая, як плануецца, у гэтым аэрапорце пачнецца летняя турыстычная палётная праграма: чартары паляцяць з Брэста ў турэцкую Анталлю.
Чытайце таксама:
«Белавія» прапанавала зніжкі на палёты ў шэсць гарадоў
Адной з першых ад санкцый супраць авіякампаніі Southwind Airlines пацярпела прапагандыстка АНТ
Southwind Airlines адмяняе палётную праграму Мінск — Стамбул
