У аграсядзібе пад Маладзечнам нарадзілася белае верблюдзяня
Відэа з малым з'явілася ў тыкток-акаўнце гаспадыні аграсядзібы Настассі Чарняўскай.
«Такі мілы цуд з'явіўся 29 сакавіка ў Беларусі, вельмі перажываем за яго, таму дзяжурым кругласутачна, дапамагаем устаць, папіць малака і ад мамы ахоўваем», — напісала Чарняўская ў каментары да аднаго з ролікаў.
Чаму варта ахоўваць ад мамы? Бо ў яе баліць вымя, і калі малеча спрабуе піць малако, то мама можа яму нашкодзіць.
Але Настасся адзначыла, што потым мама і малое ўсё ж такі пасябравалі.
На пытанне, чаму вярблюдзяня белае, Настасся лаканічна адказала — «у татку».
Відэа з малым збіраюць мільёны праглядаў і тысячы каментароў, у якіх блогерка адказвае на пытанні карыстальнікаў.
Чытайце таксама:
Па Новай Баравой бегаў заяц, а за ім з крыкам — малая дзяўчынка
У Гродзенскім заапарку нарадзіліся дагестанскія тураняты ВІДЭА
У віцебскім заапарку нарадзіліся незвычайныя ваўчаняты ВІДЭА
У Мінскім заапарку нарадзілася лемураня. Паглядзіце, якое яно смешнае
