Палітвязню Аляксандру Кулікову, які паверыў сілавікам, дадалі яшчэ паўтара года зняволення
Пракурор апратэставаў прысуд палітзняволенаму магілёўцу Аляксандру Кулікову, асуджанаму да чатырох з паловай гадоў калоніі. Згодна з рашэннем суда, яму дадалі да тэрміну паўтара года, піша «Вясна».
53-гадовага жыхара Магілёва абвінавацілі па трох артыкулах: «уваходжанне ў склад экстрэмісцкага фармавання», «удзел на тэрыторыі замежнай дзяржавы ва ўзброеным фармаванні», «праходжанне падрыхтоўцы для ўдзелу ў экстрэмісцкай дзейнасці».
Аляксандра затрымалі ў мінулым чэрвені пасля вяртання з Польшы.
Мужчына з'ехаў за мяжу праз палітычны пераслед, але пазней сілавікі паабяцалі яму, што калі той вернецца, то яго не пазбавяць волі. Але ў выніку палітвязня затрымалі на мяжы і змясцілі ў СІЗА.
Праз два месяцы яго асудзілі за каментары ў «экстрэмісцкіх» чатах, а пазней супраць яго распачалі новую справу.
Чытайце таксама:
Сілавікі затрымалі жыхара Бярозы
Ігару Карнею прысудзілі тры гады калоніі
Сілавікі затрымалі 36-гадовага мінчука за выказванні ў чат-рулетцы правакатара Комара
