Што за пяцізоркавы гатэль, у якім трагічна абарвалася жыццё Канстанціна Кальцова?
Забраніраваць нумар для аднаго чалавека на ноч каштуе ад 1483 да 3600 еўра.
Экс-хакеіст Канстанцін Кальцоў, бойфрэнд тэнісісткі Арыны Сабаленка, у Маямі саскочыў з балкона раскошнага The St. Regis Bal Harbour Resort. Што гэта за гатэль?
Фота booking.com
«Наш раскошны гатэль, які ўзвышаецца на 27 паверхаў над фешэнебельным Колінз-авеню і цудоўным пляжам з белым пяском, знаходзіцца на стыку мастацтва, моды і дызайну», − паведамляецца на сайце The St. Regis Bal Harbour Resort. Гатэль упрыгожвае калекцыя твораў мастацтва мясцовых і міжнародных мастакоў.
Фота booking.com
Знаходзіцца гатэль за 24 кіламетры ад аэрапорта Маямі. Месца гэта дарагое і пафаснае: сучасныя нумары аформлены дызайнерамі студыі Yabu Pushelberg. З многіх апартаментаў адрываецца шыкоўны від на акіян.
Фота booking.com
У The St. Regis Bal Harbour Resort працуе велізарны спа-цэнтр з 11 працэдурнымі кабінетамі, фінскімі саўнамі і паравой лазняй з ароматэрапіяй. У фітнэс-цэнтры, дзе праводзяць групавыя заняткі ёгай і пілатэсам, кардыё-трэніроўкі, можна падчас трэніроўкі любавацца хвалямі.
Госці гатэля могуць наведаць чатыры рэстараны, размешчаныя на яго тэрыторыі.
Фота з сайту booking.com
На сайце booking.com пяцізоркавы гатэль мае рэйтынг 8,1. Забраніраваць тут нумар для аднаго чалавека на ноч каштуе ад 1483 да 3600 еўра.
Фота з сайту booking.com
Дарэчы, сама Арына Сабаленка мае два асабнякі ў Фларыдзе. Адзін знаходзіцца ў горадзе Санрайз, другі ў Дэлрэй-Біч — гэта за 50 і 80 кіламетраў ад Маямі адпаведна.
Паведамлялася, што Канстанцін Кальцоў прыляцеў, каб падтрымаць каханую падчас Miami Open. Першапачаткова ў СМІ была інфармацыя аб тым, што пасля трагедыі беларуская тэнісістка адмовілася ўдзельнічаць у спаборніцтвах. Аднак зараз стала вядома, што яна ўсё ж выйдзе на корт, але не будзе ўдзельнічаць у прэс-канферэнцыях пасля матчаў.
Чытайце таксама:
«Відавочны суіцыд». Паліцыя Маямі пракаментавала смерць Канстанціна Кальцова
