У Германіі бяздомны беларус паказаў экстрэмальнае шоу
Раніцай у нядзелю 40-гадовы грамадзянін Беларусі зладзіў шоу на вакзале горада Фульда ў зямлі Гесэн у Германіі. Але скончылася яно для яго не вельмі добра, піша Reform.by.
Фота: Bundespolizei
Спачатку мужчына пераскочыў праз некалькі чыгуначных шляхоў, на шостым з якіх яго зачапіў цягнік. Але калі цягнік спыніўся, то мужчына пралез пад ім і пабег далей. Ён перайшоў чыгунку да канца, пералез праз плот вышынёй у 1,6 метра, падышоў да краю будынка і саскочыў уніз з вышыні 6 метраў.
Дзякуючы дзеянням паліцыянтаў мужчына не стукнуўся галавой аб зямлю пры скачку, але атрымаў траўмы рук і галавы. Тым не менш, ён паспрабаваў уцячы, але яго затрымалі і даставілі ў бальніцу.
Як паведамляе паліцыя, беларус з'яўляецца бяздомным. У дачыненні да яго завялі справу аб адміністрацыйным правапарушэнні.
Чытайце таксама:
18-гадовы немец напісаў на землякоў 4227 даносаў
Вязень збег з турмы з дапамогай лыжкі і трымальніка для туалетнай паперы
