Прэмʼерка Эстоніі апублікавала фота свайго сняданка пасля папрокаў, што яна «есць расейцаў на сняданак»
Прэмʼер-міністр Эстоніі Кая Калас апублікавала фатаграфію свайго сняданку з подпісам: «Мой сняданак, дарагія чытачы Politico».
Гэта было своеасаблівым адказам на артыкул Politico, у якім ананімная крыніца сцвярджала, што ў ЕС не хочуць бачыць Калас на пасадзе кіраўніка еўрапейскай дыпламатыі, бо ёй «падабаецца есці расейцаў на сняданак».
«Мы сапраўды паставім на гэтую пасаду кагосьці, хто аддае перавагу есці расейцаў на сняданак?» — задаўся пытаннем суразмоўца выдання.
Ён адзначыў, што тэма прызначэння Калас застаецца «адчувальнай» для ўладаў некаторых краін Еўрасаюза, нягледзячы на тое, што яе магчымае прызначэнне на пасаду кіраўніка дыпламатыі ЕС некалькі месяцаў абмяркоўвалася сярод высокапастаўленых чыноўнікаў.
Чытайце таксама:
«Траянскі конь» Пуціна. Хто такі Віктар Орбан і чый бок ён сапраўды займае?
МЗС Чэхіі: Калі Украіна ўпадзе, мы сутыкнёмся з РФ на нашых межах
Лукашэнка назваў Жазэпа Барэля дурнем, які не мае дачынення да палітыкі
