«Вельмі адпавядае духу часу». У Жодзіне да вясновага конкурсу для дзяўчат выпусцілі арыенціроўкі ў міліцэйскім стылі
6 сакавіка ў Жодзіне ў Палацы культуры БелАЗа пройдзе традыцыйны конкурс, прысвечаны Міжнароднаму жаночаму дню. Але замест звычайнай афішы конкурсу на старонцы ўстановы культуры з'явілася арыенціроўка ў стылі сілавікоў, заўважыла Ex-press.by.
Анонс конкурсу «Завадчанка-2024» у Жодзіне
«Адшукваюцца дзяўчаты — самыя актыўна-крэатыўныя работніцы ААТ «БелАЗ» ва ўзросце ад 25 да 40 гадоў для ўдзелу ў карпаратыўным шоу-конкурсе «Завадчанка-2024». Калі вам што-небудзь вядома пра месцазнаходжанне шуканых, просьба паведаміць па тэлефоне. Тых, хто знойдзе, чакае ўзнагароджанне ад ДК «БелАЗ», — напісалі арганізатары конкурсу.
Адзін з карыстальнікаў сеціва пракаментаваў гэта так:
«Дызайн і канцэпцыя вельмі спадабаліся, вельмі адпавядаюць духу часу. Нумары на бірках, шкала росту за спіной. Спадзяюся, што за аўтарам (аўтарамі) не прыйдуць з роспытамі пра тое, што яны мелі на ўвазе.
Праўда, не зусім зразумела, як гэта расцаніць — ці то здзекуюцца, ці то сапраўды нагадваюць пра палітвязняў. Мастацтва — люстэрка эпохі.
Завадчанкі знойдзеныя і абясшкоджаныя, цяпер, верагодна, яны будуць узятыя пад варту ідэолагаў. Спадзяюся, абыдзецца пакаянным выступам у ДК «БелАЗ».
Чытайце таксама:
