У 2020 годзе адразу некалькі высокапастаўленых сілавікоў траплялі ў ДТЗ. Была і чалавечая ахвяра
Альянс расследавальнікаў Беларусі ў злітай перапісцы МУС знайшоў дакументы, якія сведчаць пра тое, што ў 2020 годзе адразу некалькі высокапастаўленых сілавікоў траплялі ў аўтакатастрофы, піша «Белсат». Грамадству пра гэтыя выпадкі не паведамлялася.
Начальнік беларускага бюро Інтэрполу палкоўнік міліцыі Аляксандр Пятран 20 ліпеня 2020 года на машыне Nissan пратараніў службовую Geely УУС ДАІ Першамайскага раёна Мінску.
Начальнік Аператыўна-аналітычнага цэнтра пры Лукашэнку Андрэй Паўлючэнка 24 кастрычніка 2020 года на службовым BMW Х6 каля гасцініцы «Вікторыя Алімп гатэль» на праспекце Пераможцаў не раз’ехаўся з замежным грамадзянінам.
Генерал Сяргей Трус, першы намеснік начальніка ВПС і войскаў СПА — начальнік Галоўнага штаба, 29 жніўня 2020 года атрымаў цялесныя пашкоджанні ў ДТЗ, калі ехаў разам з кіроўцам-салдатам тэрміновай службы Максімам Трусавым на службовым Renault Fluence. Удзельнік ДТЗ з ліку цывільных асоб пры гэтым загінуў на месцы.
Чытайце таксама:
«Калі ён стане міністрам, Кубракоў падасца пацанёнкам». Гісторыя жыцця Мікалая Карпянкова
Што стала з былымі міністрамі ўнутраных спраў
Тут вучыліся Патрушаў і Тозік. Што за напаўсакрэтная ўстанова, якая рыхтуе кадры для КДБ
