Андрэй Стрыжак: Сілавікі атрымалі доступ да базаў «Еўраопта»
Па ўсёй Беларусі 23 студзеня прыйшлі з ператрусамі мінімум да 84 чалавек, гэта сваякі палітвязняў і былыя палітвязні. Кіраўнік фонду «Байсол» Андрэй Стрыжак не сумняваецца, што неабходныя звесткі сілавікам даў рытэйлер «Еўраопт». Аб гэтым ён заявіў каналу «Белсат».
Паводле слоў Стрыжка, арганізацыя INeedHelpBy, што дапамагае беларусам, ладзіла дастаўку больш чым 16 тысячам сем’яў, якія пацярпелі падчас пратэстаў і далейшых рэпрэсій, і карысталася сэрвісам «Едастаўка».
За тры гады сем’і атрымалі дапамогі праз арганізацыю на 1,5 млн даляраў.
Андрэй Стрыжак мяркуе, што сілавікі атрымалі доступ да базаў «Еўраопту» і па гэтых базах «працавалі».
Чытайце таксама:
Што пыталіся ў сваякоў палітвязняў, якіх масава затрымлівалі ўчора? І пры чым тут «Едастаўка»
Марыну Адамовіч арыштавалі на 15 сутак
Учора падчас хапуна затрымалі былую актывістку страйкама на «Паліміры» Алену Вінакураву
Сілавікі затрымалі былую журналістку catholic.by Аксану Ючкавіч
Ніхто не павінен памятаць, што і калі ён там купляў і еў халера ведае калі.