Знайсці
15.11.2023 / 16:123РусŁacБел

У мінскія крамы завезлі вельмі дзіўныя кактусы. Іх можна есці, але костачкі раз'юшваюць

У аддзеле гародніны крамы «Суседзі» ёсць тое, што большасці беларусаў падасца незвычайным: плод кактуса фігі (ён жа — апунцыя інжырная). Кошт не сказаць што вялікі: 13—14 рублёў за кілаграм у залежнасці ад партыі. Onliner.by купіў кактус і пакаштаваў.

Колькі каштуе штука

У крамах Італіі побач з такімі кактусамі звычайна ляжаць металічныя шчыпцы, каб пакупніку не прыйшлося браць прадукт голымі рукамі. Справа ў тым, што на кактусе могуць заставацца дробныя, ледзь прыкметныя іголкі — яны ўпіваюцца ў скуру пальцаў, дастаць іх потым складана.

Гэты кактус прыехаў з Італіі. Ядомымі з'яўляюцца і яго плод, і лісце. Адзін яго плод заважыў 144 грамы, за яго заплацілі 1,87 рубля.

Як гэта есці

Для пачатку трэба пачысціць.

Хтосьці рэкамендуе мыць плод, абабраць і есці змесціва (можна і сырым, а можна і прыгатаваць). Спадабаўся варыянт, калі кактус трэба для пачатку замачыць у вадзе на 30 хвілін, каб усплылі калючкі.

Кактус 30 хвілін паплаваў у місцы з вадой. Бярэм гумовыя пальчаткі, здымаем з кактуса скурку.

Унутры — костачкі, іх можна есці. Інтэрнэт падказвае, што кактус павінен нагадваць нешта сярэдняе паміж агурком і перцам. Што сказалі пра смак дэгустатары?

Па паху апунцыя нагадала людзям яблык, агурок, гарбуз. Пакаштаваўшы трохі кактуса, усе дэгустатары сталі абурацца, што ў ім шмат костачак, якія немагчыма разжаваць. Водгукі былі такія:

«Па смаку нагадаў сыры нарэзаны гарбуз»

  • «А для мяне гэта як сумесь агурка і яблыка».
  • «Нібы ясі сыры гарбуз, у якім куча костачак. Куды іх можна выплюнуць?»
  • «Костачкі псуюць увесь прыкол»»
  • «Вар'ююць костачкі».
  • «Варта купіць адзін раз, каб пакаштаваць. Пастаянна б такое не еў».

Людзі сказалі, што купілі б такі кактус, напрыклад, калі б клікалі ў госці сяброў і хацелі б іх чымсьці здзівіць. «Ён добра б глядзеўся ў нарэзцы садавіны, але есці толькі яго мне б не хацелася». Дарэчы, чым больш дэгустатары елі кактус, тым больш ён ім падабаўся.

Інжырную апунцыю можна сушыць, варыць, рабіць джэм і смузі, алкагольныя напоі. Гэтыя плады ўтрымліваюць кальцый, магній, жалеза, марганец, кіслоты — аскарбінавую, фоліевую, нікатынавую. Таму іх можна есці не толькі з мэтай забавы, а яшчэ і для падтрымання свайго здароўя.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
6
Панылы сорам
1
Ха-ха
2
Ого
3
Сумна
0
Абуральна
1
0
Антып/адказаць/
15.11.2023
Калі спелы, даволі смачны, нечым нагадвае папаю. 
0
Алесь Нязгода/адказаць/
15.11.2023
рус. бесят - бел. бянтэжаць / даводзяць да шаленства
0
Вредная/адказаць/
15.11.2023
Антып, не тревожь папайю пока я засыпаю
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930