Марыну Золатаву перавялі ў гомельскую калонію
17 сакавіка 2023 года галоўную рэдактарку Tut.by асудзілі на 12 гадоў калоніі.
Марына Золатава і Людміла Чэкіна падчас суда. Фота: Tochka.by
Стала вядома пра перавод у ПК-4 Гомеля палітзняволенай Марыны Золатавай, піша «Гомельская вясна».
Галоўную рэдактарку Tut.by асудзілі на 12 гадоў пазбаўлення волі ва ўмовах агульнага рэжыму па частцы 1 артыкула 130 КК Беларусі «Распальванне расавай, нацыянальнай, рэлігійнай альбо іншай сацыяльнай варожасці» і частцы 3 артыкула 361 «Заклікі да дзеянняў, накіраваных на прычыненне шкоды знешняй бяспецы Рэспублікі Беларусь».
Таксама МУС і КДБ унеслі Марыну Золатаву ў спісы «экстрэмістаў» і «тэрарыстаў».
Падтрымаць яе можна лістамі і паштоўкамі, адпраўляючы іх на адрас: ПК-4, вул. Антошкіна, 3, г. Гомель, 246035, Золатавай Марыне Васільеўне.
Імаверна, што ў гэту калонію перавялі і гендырэктара Tut.by Людмілу Чэкіну, таксама асуджаную на 12 гадоў калоніі.
Чытайце таксама:
Вярхоўны суд адхіліў апеляцыю па «справе Tut.by»
«Яе цікавяць літаральна ўсе падрабязнасці». Якія навіны даходзяць ад Марыны Золатавай
