Знайсці
20.07.2023 / 07:052РусŁacБел

Лукашэнка пазбавіў Цапкалу ордэна Пашаны

Аляксандр Лукашэнка падпісаў указ аб пазбаўленні апазіцыянера Валерыя Цапкалы ордэна Пашаны. Дакумент апублікаваны на Нацыянальным прававым інтэрнэт-партале.

Валерый Цапкала і Аляксандр Лукашэнка ў Парку высокіх тэхналогій у кастрычніку 2005 года. Цапкала ўзначальваў ПВТ ад кастрычніка 2005 года да сакавіка 2017 года. Фота: president.gov.by.

«У сувязі з асуджэннем за ўчыненне цяжкіх і асабліва цяжкіх наўмысных злачынстваў пазбавіць Цапкалу Валерыя Вільямавіча ордэна Пашаны», — гаворыцца ва ўказе.

Валерый Цапкала быў прэтэндэнтам у прэзідэнты на выбарах 2020 года, але не быў зарэгістраваны, нягледзячы на сабраную неабходную колькасць подпісаў. У ліпені 2020 года разам з жонкай Веранікай і дзецьмі пакінуў Беларусь.

У красавіку Мінскі абласны суд завочна прысудзіў Цапкалу да 17 гадоў пазбаўлення волі. Яму інкрымінавалі атрыманне хабару ў асабліва буйным памеры, злоўжыванне службовымі паўнамоцтвамі, што пацягнула прычыненне шкоды ў буйным памеры, публічныя заклікі да захопу ўлады, тэракту ды іншых дзеянняў, накіраваных на прычыненне шкоды нацыянальнай бяспецы. На пачатку мая Камітэт дзяржаўнай бяспекі ўключыў Цапкалу ў пералік асоб і арганізацый, якія маюць дачыненне да тэрарыстычнай дзейнасці.

Ордэнам Пашаны Цапкала ў ліку іншых асоб быў узнагароджаны ў адпаведнасці з указам Лукашэнкі ад 23 чэрвеня 2014 года «за шматгадовую плённую працу, узорнае выкананне службовых абавязкаў, дасягненне высокіх вытворчых паказчыкаў».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
4
Вильямович - держись!/адказаць/
20.07.2023
Все вернут враги нашего Цепкалы. И дом, и орден, и должность. Валера, объявляй новый сбор на эти цели!
0
даведка/адказаць/
20.07.2023
Государственных наград лишают приговором суда, для чего не требуется издание специального указа Лукашенко. 
Но маниакальная мстительность этого человека заставила его пойти на такой шаг. Хотя за десятилетия нахождения у власти Лукашенко тысячи его чиновников и силовиков по приговорам судов за совершение тяжких и особо тяжких преступлений коррупционной направленности были лишены высоких государственных наград и воинских (специальных) званий, которыми их лично награждал Лукашенко.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера