Акно магчымасцяў для Украіны закрыецца да канца года — прэзідэнт Чэхіі
Акно магчымасцяў Украіны для дасягнення поспехаў на фронце «больш-менш закрыецца да канца гэтага года» праз выбары, што адбудуцца ў ЗША і іншых краінах, заявіў прэзідэнт Чэхіі Пэтр Павэл на саміце НАТА, піша ВВС са спасылкаю на New York Times.
Пэтр Павэл. Фота: Thomas Kronsteiner / Getty Images
«Усё, што будзе дасягнута да канца гэтага года, стане зыходным пунктам для перамоў», — сказаў Павэл.
З ягоных слоў, да наступнага года «мы таксама ўбачым чарговае зніжэнне гатоўнасці масава падтрымліваць Украіну вялікай колькасцю зброі».
New York Times адзначае, што выказванні Павэла, які да прыходу ў палітыку быў высокапастаўленым генералам НАТА, кантрастуюць з заявамі іншых лідараў на саміце. Тыя настойваюць, што падтрымка Украіне будзе аказвацца столькі, колькі спатрэбіцца.
Чытайце таксама:
Украінцы за пяць тыдняў вызвалілі амаль столькі тэрыторыі, колькі расіяне захапілі за паўгода
Журналістам удалося дакладна ацаніць страты Расіі падчас поўнамаштабнай вайны з Украінай
