Знайсці
28.06.2023 / 15:312РусŁacБел

Саудаўская Аравія прымае першы поўнамаштабны хадж пасля пандэміі ФОТАФАКТ

Чакалася, што першы поўнамаштабны хадж збярэ рэкордную колькасць паломнікаў. Аднак, па паведамленнях Галоўнага ўпраўлення статыстыкі, сёлета хоць колькасць паломнікаў склала больш за 1,8 млн вернікаў, гэта значна ніжэй за 2,5 млн, якія наведалі святыя месцы ў 2019 годзе.

Фота: Jasmin Merdan / Getty Image

Па звестках Міністэрства хаджу і умры Саудаўскай Аравіі, у іх лік уваходзяць больш за 875 000 жанчын і амаль 970 000 мужчын.

Тым не менш лічбы гэтага года значна перавышаюць 926 000 чалавек, якія зрабілі хадж летась, калі колькасць паломнікаў была абмежаваная адным мільёнам пасля пандэміі Covid-19.

Хадж — адзін з пяці слупоў ісламу і павінен быць здзейснены ўсімі мусульманамі, якія маюць сродкі, хоць бы адзін раз у жыцці. У аэрапорце Джэды быў пабудаваны спецыяльны тэрмінал для прыёму паломнікаў.

У 2021 годзе ўлады Саудаўскай Аравіі адмянілі патрабаванне, каб жанчын суправаджалі апекуны-мужчыны.

Паломнікі сёлета сутыкнуліся з моцнай спёкай, з тэмпературай вышэйшай за 45 градусаў па Цэльсію. Дзясяткі тысяч саудаўскіх рабочых і валанцёраў раздаюць бутэлькі з вадой. Некаторыя паломнікі ратуюцца ад сонца пад парасонамі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
2
Эннот/адказаць/
28.06.2023
Шел 21 век
28.06.2023
Dobra navina !
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера