У Дзярждуме РФ прапанавалі адпраўляць бадзяжных сабак на вайну
Бадзяжных сабак варта навучаць «усякім розным навыкам» і адпраўляць на фронт ва Украіну, каб яны дапамагалі параненым і ўдзельнічалі ў размініраванні, заявіў дэпутат Дзярждумы ад Якуціі Фядот Тумусаў, піша The Moscow Times.
«У нас у краіне вельмі шмат кінолагаў, якія могуць навучыць сабак усякім розным навыкам… Буйных і агрэсіўных сабак кінолагі навучылі б і накіравалі іх у зону СВА (так у Расіі называюць вайну — НН) — хай дапамагаюць выцягваць параненых, у размініраванні ўдзельнічаюць. І як паказвае вопыт Вялікай Айчыннай вайны, яны могуць удзельнічаць і ў іншых справах», — сказаў Тумусаў.
Прапанова дэпутата прагучала на фоне абмеркавання Дзярждумай паправак да закона «Аб адказным абыходжанні з жывёламі», якія даюць рэгіёнам правы ўсыпляць бадзяжных сабак.
Чытайце таксама:
