Зяленскі едзе ў Італію. Ён можа сустрэцца з Папам — СМІ
Італьянскія СМІ сцвярджаюць, што атрымалі пацвярджэнне візіту ў Італію прэзідэнта Украіны Уладзіміра Зяленскага 13 мая. Агенцтва ANSA і Agencia Italia пішуць, што візіт сапраўды адбудзецца 13 мая, не ўдакладняючы, ад якіх афіцыйных крыніц атрымалі інфармацыю, піша «Еўрапейская праўда».
Уладзімір Зяленскі. Фота: Офіс прэзідэнта Украіны
У пятніцу плануецца сустрэча Зяленскага з прэзідэнтам Італіі Серджа Матарэла ў прэзідэнцкім палацы. Час сустрэчы не называюць з меркаванняў бяспекі.
Таксама плануецца сустрэча з прэм'ерам Джорджыяй Мелоні.
Са слоў крыніц у Ватыкане, Зяленскі можа сустрэцца і з Папам. Ніякіх дэталяў пакуль не раскрываюць.
Спачатку італьянскія СМІ са спасылкай на крыніцы паведамілі, што прэзідэнт Украіны можа наведаць Італію з непрацяглым візітам падчас падарожжа ў Германію, дзе ён павінен быць у гэтыя выхадныя.
Чытайце таксама:
