Пяскоў прыгразіў адэкватным адказам на пастаўкі брытанскіх крылатых ракет Кіеву
Пастаўкі брытанскіх ракет вялікай далёкасці ва Украіну запатрабуюць адэкватнага адказу ад расійскіх вайскоўцаў, заявіў прэс-сакратар прэзідэнта Расіі Дзмітрый Пяскоў.
Дзмітрый Пяскоў. Фота kremlin.ru
Раней стала вядома, што Вялікабрытанія перадала для патрэб украінскай арміі авіяцыйныя ракеты Storm Shadow. Гэта авіяцыйныя боепрыпасы, здольныя паражаць цэлі на адлегласці ў 250 кіламетраў.
«Вельмі негатыўна», — адказаў прэс-сакратар расійскага прэзідэнта на пытанне пра тое, як у Крамлі ставяцца да паставак ракет з Вялікабрытаніі ва Украіну.
Пяскоў адзначыў, што «гэта запатрабуе адэкватнага адказу і ад вайскоўцаў, якія, натуральна, з ваеннага пункту гледжання будуць прымаць адпаведныя рашэнні».
Авіяцыйная крылатая ракета вялікай далёкасці Storm Shadow з'яўляецца сумеснай распрацоўкай брытанцаў і французаў.
Чытайце таксама:
Вялікабрытанія паставіла Украіне ракеты далёкасцю 250 км. Гэта мяняе поле бою
