«Хутка ў нас будуць два дні перамогі, а ў вас — ніводнага…» Полк Каліноўскага віншуе з днём Перамогі
Полк Каліноўскага ў сваім канале апублікаваў відэа з нагоды 9 Мая.
Кадры з разбуранага Бахмута
На кадрах — разбураны горад Бахмут. У такім стане сотні гарадоў і вёсак Украіны сустракаюць Дзень Перамогі над нацызмам у 2023 годзе, піша прэс-служба палка.
«А ў Расіі і Беларусі цяпер праходзяць «парады перамогі»: старыя дыктатары нешта гавораць са сваіх трыбун, натоўп радуецца, успамінаючы тую жудасную вайну, якая забрала мільёны жыццяў. Жадалі паўтарыць? У вас атрымалася. Толькі пераймаеце не тых… Вы паўтараеце злачынствы нацыстаў на зямлі народа, які так жорстка тады змагаўся супраць. Змагаўся і перамог!
Полк Каліноўскага не здрадзіў ідэалам і разам з украінцамі стаіць на абароне нашай агульнай зямлі і права кожнага народа на самавызначэнне!
Мы памятаем мінулае і б'ёмся сёння!
Хутка ў нас будуць два дні перамогі, а ў вас — ніводнага…
Слава ўсім, хто біўся супраць нацызму тады і слава ўсім, хто б'ецца супраць рашызму сёння!» — напісалі каліноўцы.
