Польскі віцэ-міністр: Беларусь для нас — маленькая фортка, а мы для іх — акно ў свет
Намеснік міністра ўнутраных спраў і адміністрацыі Польшчы Мацей Вонсік у праграме «Госць падзей» у эфіры тэлеканала «Польсат» 6 сакавіка жорстка выказаўся па беларускім пытанні і анансаваў новыя рашучыя крокі з боку польскага ўрада, калі рэжым Лукашэнкі не спыніцца ў сваіх антыпольскіх дзеяннях.
Мацей Вонсік. Фота: Polsat News
Паводле чыноўніка, урад у Варшаве і так «дзейнічае даволі жорстка ў дачыненні да Беларусі», але ў выпадку чаго не завагаецца задзейнічаць і іншыя, больш сур'ёзныя інструменты.
«Цяпер ідзе праца над уключэннем у санкцыйныя спісы некалькіх соцень чалавек, якія належаць да сістэмы «правасуддзя» — судоў, якія вынеслі прысуды, падобныя да прысудаў Андрэю Пачобуту», — сказаў ён.
Калі сітуацыя ў Беларусі будзе далей абвастрацца, то не выключана нават, што Польшча «закрые акно Беларусі». І бокам, якім прайграе, будуць не палякі:
«Для нас гэта маленькая фортка, у той час як для іх Польшча — акно ў свет».
Але пры гэтым польскі віцэ-міністр падкрэсліў, што, насамрэч, усё ў руках Мінска:
«Можна пайсці і іншым шляхам, калі Мінск дакажа, што яму гэта не ўсё адно», — сказаў ён.
Чытайце таксама:
Больш за палову палякаў хочуць закрыцця граніцы з Беларуссю
Як закрыццё «Баброўнікаў» і іншыя абмежаванні паўплывалі на дастаўку тавараў
Польскі эксперт: Перамога Украіны можа прынесці ў Беларусь грамадзянскую вайну і страту незалежнасці
Намеснік кіраўніка МУС Польшчы сказаў, якога сігналу чакаюць ад Мінска пасля закрыцця пагранпераходаў
