Знайсці
06.03.2023 / 00:121РусŁacБел

«Гэта траянскі конь». Кітай можа шпіёніць з дапамогай партовых кранаў — крыніцы ў Пентагоне

Выданне The Wall Street Journal эксклюзіўна паведаміла, што ў кітайскіх партовых кранах могуць быць схаваны шпіёнскія прылады.

Фота: Rattakarn, pixabay

Гаворка ідзе пра вялікія грузавыя краны ад кітайскай кампаніі ZPMC, якія працуюць у амерыканскіх марскіх партах грамадзянскага і вайсковага прызначэння па ўсіх Злучаных Штатах. 

Прадстаўнікі Пентагона і іншых выведвальных ведамстваў заявілі выданню WSJ, што ў гэтых кранах можа быць схавана шпіёнскае абсталяванне, пры дапамозе якога Кітай можа збіраць звесткі аб марской лагістыцы ЗША і вайсковых пастаўках амерыканскай зброі па ўсім свеце.

«Гэтыя краны як траянскі конь. Хоць яны і добра зроблены за невялікую цану, яны змяшчаюць у сабе складаныя датчыкі, якія могуць рэгістраваць і адсочваць паходжанне і месца прызначэння марскіх кантэйнераў. Ёсць сур'ёзныя падазрэнні, што Кітай такім чынам можа адсочваць паток тавараў у Злучаныя Штаты і за іх межы, а таксама сачыць за перамяшчэннем нашай зброі па ўсім свеце, не кажучы ўжо аб магчымасці дыстанцыйнага абвальвання ўсёй лагістыкі», — паведамілі WSJ прадстаўнікі Пентагона і іншых ведамстваў.

У самой кітайскай кампаніі ZPMC пакуль ніяк не пракаментавалі гэтую інфармацыю, аднак на яе ўжо паспеў адрэагаваць прадстаўнік кітайскай амбасады ў ЗША, назваўшы падобныя падазрэнні «ўсяго толькі паранойяй».

Чытайце яшчэ:

ЗША абвінавацілі кампанію з Кітая ў перадачы спадарожнікавых здымкаў ПВК «Вагнер». Прыгожын адказаў

Дырэктар ФБР лічыць уцечку з кітайскай лабараторыі найбольш імавернай прычынай пандэміі каранавіруса

«Небяспечны». Еўракамісія забараніла сваім супрацоўнікам карыстацца TikTok на ўсіх прыладах

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
анімэ/адказаць/
06.03.2023
Чаму не? Абсалютна магчыма.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031