Знайсці
25.01.2023 / 19:55167РусŁacБел

Дыпламатычныя крыніцы: Украіна блакуе ўдзел Ціханоўскай і беларусаў у сумесных дыпламатычных мерапрыемствах 

Гэта выглядае часткай кулуарных дамоўленасцяў Кіева і Лукашэнкі або спробай адгадаць жаданні апошняга. 

Цырымонія ўшанавання памяці паўстання 1863—1864 гадоў у Вільні з удзелам прэзідэнта Літвы Гітанаса Наўседы і лідаркі дэмакратычных сілаў Беларусі Святланы Ціханоўскай. 22 студзеня 2023. Фота: Офіс Святланы Ціханоўскай

Еўрапейскія дыпламаты звярнулі ўвагу «Нашай Нівы» на тое, што апошнім часам Украіна паслядоўна блакуе ўдзел Святланы Ціханоўскай, а таксама прадстаўнікоў беларускага грамадства ў сумесных з еўрапейцамі мерапрыемствах. 

Гэта выглядае часткай кулуарных дамоўленасцяў Кіева і Лукашэнкі або спробай адгадаць жаданні апошняга. 

«Пакуль Украіне ёсць на чым гуляць, каб хаця б тэарэтычна стрымліваць Лукашэнку ад нарошчвання аб'ёмаў свайго ўдзелу ў вайне, яны спрабуюць гэта рабіць. Што ён іх неаднаразова падманваў, гэта ў цяперашняй сітуацыі не ўлічваецца. Пакуль ёсць хоць кропля надзеі, як кажуць», — сказаў нам суразмоўца. 

З фактаў: Ціханоўскай, у адрозненне ад мінулага года, у 2023-м не было на саміце Люблінскага трохкутніка.

Люблінскі трохкутнік — гэта такая дыпламатычная пляцоўка, заснаваная Польшчай, Украінай і Літвой, куды ў 2021-м Святлану Ціханоўскую запрасіў якраз міністр замежных спраў Украіны Дзмітрый Кулеба. 

Пазней ён жа выказаўся ў духу таго, што без дэмакратычнай Беларусі фармат з'яўляецца няпоўным і мае вырасці ў чатырохкутнік. 

Але гэтым разам Ціханоўскую не запрашалі, хоць раней яна там бывала.

«Для парушэння традыцыі і няўдзелу ў саміце меўся быць моцны аргумент, які мог зыходзіць толькі ад Украіны», — сказаў нам дыпламат. 

З гэтага ж шэрагу падзей: непрыкметная прысутнасць Ціханоўскай на афіцыйнай частцы адзначэння 160-х угодкаў паўстання 1863 года ў Варшаве.

«Ціханоўская прысутнічала на афіцыйнай частцы, але ёй не далі слова. У зачытаным лісце Зяленскага не была згаданая Беларусь, што стала свайго роду дэманстратыўнай праявай свядомага ігнаравання, бо беларускі тэатр баявых дзеянняў быў значны ў тым паўстанні. Ва ўсім гэтым можна бачыць тэндэнцыю», — сказаў дыпламат. 

Суразмоўцы бачаць у гэтым частку дамовы з Лукашэнкам, які ўжо шмат разоў даказваў Украіне сваю «надзейнасць» і цану свайго слова. 

«Украінцы блакуюць удзел беларусаў — не толькі Ціханоўскай, паўсюль, дзе могуць, гэта праўда», — дадаў іншы абазнаны суразмоўца з шэрагу еўрапейскіх дыпламатаў. 

Пазіцыя Польшчы і Літвы адносна Беларусі і статуса Святланы Ціханоўскай ніяк не змянілася, але яны вымушаныя ўлічваць пажаданні Кіева на супольных з Украінай мерапрыемствах.

Святлану Ціханоўскую прымалі на высокім узроўні ў большасці сталіц краін Еўрасаюза, але не ў Кіеве. 

Мяркуючы па дзеяннях беларускіх уладаў, Аляксандр Лукашэнка заклапочаны як наяўнасцю ў яго праціўнікаў адзінага цэнтра і адзінага лідара, так і стварэннем добраахвотніцкіх фармаванняў з досведам баявых дзеянняў. У выпадку аслаблення Расіі, яе паражэння ва Украіне, і першае, і другое можа мець для беларусаў значэнне.

Украіна пачала рыхтавацца да ўварвання Расіі яшчэ ў лістападзе 2021 года, але не чакала, што напад будзе і з Беларусі, прызнаваў сакратар Рады нацыянальнай бяспекі і абароны Украіны Аляксей Данілаў.

«Наша Нiва» — бастыён беларушчыны

ПАДТРЫМАЦЬ

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
18
Панылы сорам
48
Ха-ха
20
Ого
10
Сумна
22
Абуральна
209
0
Кабы што?/адказаць/
27.01.2023
Здрада, бліскучая заўвага! Ў самую дзюбу. Першая беларуская дзіўныя срачы іншы раз зацявае. Дзеля чаго?
0
Dzianis/адказаць/
27.01.2023
Нік, я жыў у Львове 1,5 года і меў посвідку на тимчасове проживання. у тым ліку паўгода вайны. так што ідзі гуляй Вася са сваёй "рукой Крамля"
0
даведка/адказаць/
27.01.2023
Не плачьте!, спусціцеся на зямлю. Якая міссія?! Акрамя молі ў СБ ААН ёсць чайна с правам вета на любую вайсковую аперацыю супраць Беларусі, бо ў саміх…. а ў рашку нават не палезе ніхто. Ды і путлер не факт што сыйдзе, пра луку і казаць няма чаго
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера