Крыніцы: Саўмін даслаў даручэнне дзяржкампаніям стварыць беларускамоўныя версіі сайтаў у прымусовым парадку
Апошнімі тыднямі на сайтах дзяржаўных кантор — ад МТЗ да аблгазаў і гарбудтрэстаў — з'явілася тое, чаго раней у незалежнай Беларусі не было. Беларускамоўныя версіі сайтаў.
Працэс разгарнуўся пры канцы мінулага года і мае быць завершаны да 20 студзеня 2023-га, паведамляюць суразмоўцы «Нашай Нівы».
Гэта патрабаванне Саўміна.
Беларусамоўныя версіі ўжо займела большасць сайтаў дзяржаўных кампаній — ад будтрэстаў да МТЗ.
Пры параўнанні архіўных старонак сайтаў з бягучымі бачна, што беларускай мовы раней не было.
Праўда, абсалютная большасць кампаній падышла да задачы без душы і ўстанавіла кнопку аўтаматычнага гуглаўскага перакладу.
Нам невядомая прычына прыняцця гэтага рашэння. Яно выглядае дэкаратыўным і нелагічным на фоне агульнага курсу на знішчэнне беларускай мовы і культуры ў лукашэнкаўскай Беларусі.
крыху больш гумару, яНіна, і будзе вам шчасце)