Рэцэпт на выхадныя. Часночная курачка з сырам: новы смак 

Фота: BBC Food

Каб згатаваць часночную курачку з сырам, вам спатрэбіцца:

• 2 курыныя грудкі без скуры
• 20 грамаў дробна нарэзанай пятрушкі
• 150 грамаў сыру — паспрабуйце і з бры, і з мацарэлай, і з цвёрдым жоўтым сырам
• 75 грамаў масла
• 2 дробна нарэзаныя зубкі часнаку
• 3 дробна нарэзаныя кавалачкі вэнджанага бекону
• 2 жмені паніровачных сухароў
• 3 сталовыя лыжкі алею
• соль і молаты чорны перац

1. Разагрэйце духоўку да 180 градусаў.
2. Чатыры разы надрэжце курыныя грудкі па дыяганалі зверху, не даходзячы 2 сантыметры да нізу.
3. Дробна нашаткуйце пятрушку. Нарэжце сыр саломкай.
4. Абкачайце сыр у пятрушцы і начыніце ім выразаныя ў курыных грудках паглыбленні.
5. Растапіце на патэльні трохі масла. Дадайце ў патэльню часнок і бекон, смажце іх тры хвіліны.
6. Дадайце ў патэльню сухары і смажце яшчэ тры хвіліны.
7. Паліце курыцу алеем і прыпраўце соллю і молатым чорным перцам.
8. Размяркуйце па курыцы сумесь з паніровачнымі сухарамі.
9. Запякайце курыцу ў духоўцы 30 хвілін.

Рэцэпт на выхадныя. Курыца з сырам, вяндлінай і кабачкамі — хуткая і прыгожая

Бабка ад Азарава і закускі ад Джыпсінкова. Палітыкі і селебрыці падзяліліся святочнымі рэцэптамі

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ