Знайсці
17.12.2022 / 11:5216РусŁacБел

Kotatogram: губазікаўцы паказалі, як яны аналізуюць пратэсныя чаты. Вось што варта ведаць 

Віцебскае аддзяленне ГУБАЗіК паказала ў відэа, як менавіта яны аналізуюць чаты, на прыкладзе трох затрыманых у Браславе.

Стала зразумела, якім чынам аналізуюцца чаты. Для гэтага сілавік заходзіць у чат, карыстаючыся кліентам Telegram, які называецца Kotatogram. Гэта старонні кліент праграмы, які мае дадатковыя функцыі, да прыкладу, магчымасць бачыць ID карыстальнікаў і паведамленняў у чатах.

Таксама ён дазваляе экспартаваць чаты ў фармаце json, зручным для далейшага аналізу. Пры экспарце чату ў архіў складаюцца таксама паведамленні тых, хто выйшаў з чата, але не выдаліў паведамленні.

Мяркуючы па ўсім, у якасці праграмы для прагляду файлаў выкарыстоўваецца Visual Studio Code ад Microsoft. Цікава таксама, што копія чату ў відэа — ад 2 лістапада 2022 года.

На фота — інтэрфэйс праграмы і даныя, якія аналізуюць губазікаўцы

Далей сілавікі ствараюць табліцу (або ўручную, або з дапамогай старонніх праграмаў), у якую ўнесеныя ўсе карыстальнікі чату, якія нешта там пісалі, уключна, як мы казалі вышэй, з тымі, хто выдаліўся з чата або выдаліў акаўнт. У табліцы ёсць палі «ID», «імя», «прозвішча», «username», «тэлефон» і «колькасць паведамленняў».

ID захоўваюць нават выдаленыя акаўнты, і іх можна праглядзець, то-бок калі чалавек выдаліў акаўнт, але пра акаўнт ёсць нешта ў сілавікоў ці «прабіўных» ботаў, то яго можна знайсці.

На фота табліца з усімі карыстальнікамі чату і колькасцю паведамленняў, якія яны напісалі

Мяркуючы па ўсім, далей сілавікі ўручную шукаюць гэтых людзей ў базе «Т-Пошук», якой карыстаюцца спецслужбы Беларусі. Некаторых людзей дадаткова «прабіваюць» расійскім ботам «Вока Бога», які ўтрымлівае даныя са злітых ці скрадзеных базаў даных (гэта бачна, калі «прабіць» гэтыя акаўнты гэтым ботам уласнаручна, але так не ва ўсіх).

Пасля, хутчэй за ўсё, сілавікі проста «адпрацоўваюць» тых, каго яны знайшлі па-хуткаму. Але праз вялікую колькасць людзей у чатах, якіх лёгка знайсці, працы ў іх дастаткова.

Што з гэтага вынікае, калі вы пісалі ці каментавалі ў адкрытых тэлеграм-чатах?

Дыктатура ў Беларусі многае з таго, што законна, інтэрпрэтуе як незаконнае. Гэта датычыць, у тым ліку, любой крытыкі ўлады і апазіцыйнай дзейнасці. Больш за тое, многае абвяшчаецца незаконным задняй датай. Чалавек належаў да групы ў мэсэнджары па месцы жыхарства, ці па месцы працы, ці па палітычных інтарэсах, і гэта быў законны чат. Але з часам яго абвяшчаюць экстрэмісцкім, і пачынаюць пераследаваць за факт прыналежнасці да яго — а вы можа ўжо і забылі, што ў ім удзельнічалі.

Пра тое, як менавіта лукашэнкаўцы дэананімізуюць людзей у тэлеграме, мы ўжо пісалі ў нашым артыкуле. Але паўторым коратка тое, што датычыць адкрытых чатаў (і неўзабаве раскажам, як ствараць ананімныя акаўнты ў тэлеграме і сацыяльных сетках).

Па-першае, важна час ад часу мяняць акаўнт, пажадана — пераствараць яго на віртуальны ці замежны нумар. Чым даўжэй існуе ваш акаўнт, тым большая імавернасць, што вы пакінулі сляды, якія дазволяць вас вылічыць. Перад выдаленнем акаўнта лепш выдаляць гісторыю вашых паведамленняў у чатах і дыялогі з усімі вашымі суразмоўцамі з абодвух бакоў.

Па-другое, у любых публічных чатах памятайце аб правілах інфармацыйнай гігіены. Не размяшчайце ў чатах ніякай персанальнай інфармацыі — месца працы, жыхарства ці ўзрост. Увогуле не знаёмцеся з людзьмі ў ананімных чатах і не рабіце там неабдуманых выказванняў.

Добрая штука — Партызанскі Telegram (які нядаўна аднавіўся і выправіў большасць сваіх хібаў), у ім можна мець два акаўнты. У П-тэлеграме ёсць магчымасць стварыць несапраўдны код-пароль (інструкцыі тут), набор якога аўтаматычна выдаляе змест акаўнта, які вы не хацелі б, каб чыталі тыя, хто вас затрымлівае.

Агулам, перш чым напісаць нейкі каментар, спыняйцеся і задумвайцеся. Словы не заўсёды дапамагаюць справе, а ў Беларусі, якая ператварылася ў таталітарную дзяржаву, увогуле часам проціпаказаныя.

«Наша Нiва» — бастыён беларушчыны

ПАДТРЫМАЦЬ

Чытайце яшчэ:

Тлумачым, якім чынам сілавікі знаходзяць карыстальнікаў Telegram і як гэтага пазбегнуць

Затрымалі былога мадэратара сеткі «Кіроўцы 97%», на якога не маглі выйсці два гады. Распавядаем, чаго ён не ўлічыў

ГУБАЗіК затрымаў натарыуса за ўдзел у пратэстах. З іх відэа ясна, якім чынам на яе маглі выйсці

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Янка/адказаць/
06.04.2023
Флюктотем, галоуная праблема telegram - гэта ягоная шматгадова вядомая дыра, з якой спадар Дурау нiчога ня робiць: кожны карыстальник telegram, у якога вы ёсьць у тэлефонавай кнiжцы, бачыць ваш тэлефонавы нумар у telegram, а таксама атрымлiвае паведамленнi ад telegram, што вы змянiлi акаунт, незалежна ад таго, схавалi вы свой нумар або не. То бок арыштаваны актывicт telegram аутаматычна "сдае" некалькi iншых з ягонай тэлефоннай кнiжцы.
Нiякiя паролi ад "абароненых" аплiкацый-мэсенджэрау у тэлефоне не дапаможуць, бо карнiкi шырока выкарыстоуваюць фiзычныя катаваннi - збiцце, электрычны ток, ламанне суставау i г.д. Вытрымаць гэта здольны далека ня кожны.
Аплiкацыi-хайдэры, якiя робяць другое дно, хаваючы у сабе iншыя (прастэстныя) аплiкацыi - пакуль ня вырашаюць праблему, бо iх выдае незвычайна вялiкi аб'ём дадзеных у сicтэме для iхнага досыць простага "белага" функцыяналу. Добрым варянтам было б маскiравацца пад звычайныя мэсенджэры кшталту скайпа або вайбера, для якiх вялiкi аб'ём дадзеных у сicтэме - звычайная справа. Але пакуль такiх метадау яшчэ нажаль няма.
Высновы:
1.Мэсенджэр ня мусiць мець нiякай аутарызацыi да пратэстных акаунтау праз фiзычны тэлефонавы нумар.
2.Мэсенджер-аплiкацыя мусiць мець некалькi акаунтау - "белы" i "астатнiя", з магчымасцю хуткага пералагiнiвання на "белы" акаунт у крытычнай сiтуацыi.
3.Лепшы варыянт для пратэстнага мэсенджынга - шырока распаусюджаныя браузеры, магчыма праз TOR, Matrix, I2P i г.д.
4.Пакуль папулярнай альтэрнатывы telegram няма - магчыма чытаць публiчныя telegram-каналы праз браузер i VPN па спасылках кшталту htpps:\t.me\s\.... , можна нават недзе у воблаке хаваць спic гэтых спасылак, каб клiкаць па iх i чытаць каналы. Але цяжкi малтымедыя-кантэнт (часцей за усе) праз htpps:\t.me\s\.... магчымасцi прглядзець няма, i уладальнiкам каналау было б добра у гэтых выпадках дубляваць яго на вiдэахостынгах або на асобных web-старонках.
0
Янка/адказаць/
06.04.2023
To NN, карыстайцеся VPN. Калi вы у Беларусi -  вы нават фiзычна без VPN старонку NN не адчынiце, бо яна заблякаваная
0
Янка/адказаць/
06.04.2023
Antisocial element, а што менавiта адзначае "не заводите себе телеграм каналов"? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031