Брытанская разведка: Расійская армія губляе да батальёна бронемашын у суткі і бярэ рэзервы ў Беларусі
У сваёй традыцыйнай ранішняй зводцы Міністэрства абароны Вялікабрытаніі надае ўвагу расійскім стратам баявой тэхнікі, якія камандаванне не ў сілах аператыўна папаўняць.
Расійскія салдаты ва Украіне раздражнёныя тым, што іх прымушаюць ваяваць на старых баявых машынах пяхоты, якія яны называюць алюмініевымі бляшанкамі.
У сярэдзіне кастрычніка ва ўмовах украінскага наступу страты расійскай бранятэхнікі павялічыліся да 40 з лішнім адзінак у дзень, што прыкладна адпавядае батальёну.
У апошнія тыдні Расія, мяркуючы па ўсім, набыла не менш за 100 дадатковых танкаў і баявых машын пяхоты з беларускіх запасаў.
Бранятанкавыя часткі і артылерыя займаюць цэнтральнае месца ў расійскай стратэгіі вядзення вайны. У гэты момант расійскія часткі ва Украіне адчуваюць цяжкасці з-за недахопу артылерыйскіх снарадаў і спраўнай бранятэхнікі.
