Віктар Шніп. Балада Лукаша Калюгі
І адсюль не ўцячы, бо краіна -- турма,
Але думак пра волю турме не ўтрымаць.
І ты ў думках бяжыш праз завеі дамоў
І не можаш дабегчы дадому ізноў,
Бо крычыць вартавы і страляе ў спіну…
- Маладыя гады… Залатыя гады…
Але час не святы. Арыштанства, суды.
І ты вораг народа, і гэты народ
Прад табою цяпер, як з калючкамі дрот.
- І навокал, як вечнасць, чужая зіма,
І дарогі да сонца і сонца няма,
Бо яго расстралялі - свяціла яно.
- І цяпер каля вогнішча жлукцяць віно
Звар’яцелыя каты, якім гэты свет,
Нібы беглага зэка заснежаны след.
- І адсюль не ўцячы, бо краіна -- турма,
Але думак пра волю турме не ўтрымаць.
І ты ў думках бяжыш праз завеі дамоў
І не можаш дабегчы дадому ізноў,
Бо крычыць вартавы і страляе ў спіну…
- Прачынаешся ты і не можаш заснуць,
Бо і ты пачынаеш ужо разумець,
Што ў няволі жыццё -- не жыццё і не смерць,
І твае залатыя не прыйдуць гады,
Як цвісці аніколі не будуць сады,
Дзе пустыня спрадвеку і дзе халады…
0
0
0
0
0
0
10 траўня стартуе продаж новага рамана Бахарэвіча
 2
Стартуе продаж новай кнігі для дзяцей ад Андрэя Скурко
 4
Каментары
Каб пакінуць каментар, калі ласка, актывуйце JavaScript у наладах свайго браўзера
Спевака з Нідэрландаў адхілілі ад удзелу ў Еўрабачанні
 2
Хто такія скуфы і ці жывуць яны ў Беларусі?
 15
Прыдумалі новую электронную латарэю
 1
Каб скарыстацца календаром, калі ласка, актывуйце JavaScript у наладах свайго браўзера