Паглядзіце, які мурал атрымаў у падарунак Полацк ФОТЫ
Сёння ў Полацку адкрыты мурал, які рэалізаваны ў рамках праекта, прысвечанага 100-годдзю Беларусбанка. Маштабны падарунак ад найбуйнейшага банка краіны Полацк атрымаў да свайго 1160-годдзя.
Фота Urban Myths
Графіка першага ў горадзе мурала нанесеная на тарцы дома №4 па вуліцы Дойліда Іаана і ўжо на этапе падрыхтоўчых работ прыцягвала погляды мінакоў, паколькі малюнак даволі незвычайны і сур'ёзны.
Мурал у Полацку носіць назву «Вытокі». На ім намаляваны меч, уваткнуты ў зямлю і абвіты раслінамі і кветкамі. Вобраз — невыпадковы, паколькі ўвасабляе сілу і ўклад Полацка ў гісторыю беларускай дзяржаўнасці.
«Праца па стварэнні мурала вялася ў супрацоўніцтве з гісторыкамі і работнікамі музея, — падкрэсліў мастак Глеб Каштанаў. — У аснову кампазіцыі пакладзены вобраз мяча X стагоддзя, знойдзенага ў Полацку ў 1956 годзе. Сёння рарытэтны экспанат захоўваецца ў Краязнаўчым музеі горада. Ствараць гэтую прыгажосць мне дапамагалі мастак з Пінска Сяргей Рысакоў і полацкія валанцёры»»
Гэтая праца стала трэцяй у праекце «Традыцыі дзеля будучыні». Ініцыятыва рэалізуецца сумесна з арт-супольнасцю «Urban Myths». Муралы ўжо размешчаныя ў Пінску (пад назвай «Шлях да мары»), Мазыры («Летуценнікі»), і заваявалі любоў мясцовых жыхароў
Фота Urban Myths
belarusbank.by
belarusbank.by
belarusbank.by
belarusbank.by
