«Два варыянты»: у МУС Украіны распавялі пра дзеянні Пуціна пасля актывізацыі баявых дзеянняў
Пасля новай спробы расіян актывізаваць баявыя дзеянні ва Украіне ў прэзідэнта РФ Уладзіміра Пуціна застануцца два варыянты: замарожванне канфлікту ці адкрытая мабілізацыя.
Уладзімір Пуцін 9 мая 2022 года. Скрыншот з відэа
Такое меркаванне выказаў дарадца міністра ўнутраных спраў Украіны Вадзім Дзенісенка ў эфіры інфармацыйнага тэлемарафона, піша УНІАН.
«Цяпер яны зробяць яшчэ адну спробу актыўнай фазы баявых дзеянняў. Мы разумеем, што цяпер канцэнтруецца тэхніка ў раёне Крыма, мы разумеем, што 19 батальённа-тактычных груп знаходзяцца ў Харкаўскай вобласці… І пасля таго, як яны выдыхнуцца — а яны выдыхнуцца — у Пуціна будуць толькі два варыянты: або ўмоўна замарожваць канфлікт і гаварыць аб нейкіх перагаворных працэсах, або аб'яўляць прамую мабілізацыі ў РФ», — сказаў Дзенісенка.
На яго думку, прэзідэнт РФ пакуль баіцца адкрыта аб'яўляць мабілізацыю.
«Але па стане на цяпер ён спадзяецца, што зробіць яшчэ адзін рывок, а далей паглядзіць», — адзначыў Дзенісенка.
