Кіраўнік МУС Латвіі прапанавала аб'явіць надзвычайную сітуацыю: за тры дні затрымана 160 нелегалаў
Міністр унутраных спраў Марыя Голубева прапануе ўраду абвясціць у Латвіі надзвычайную сітуацыю на латвійска-беларускай мяжы. Такое рашэнне неабходна, каб абараніць латвійскія і знешнія межы ЕС ад «зброі нелегальнай міграцыі», піша Delfi.lv.
Міністр унутраных спраў Латвіі Марыя Голубева, LETA
Пры станоўчым рашэнні надзвычайная сітуацыя будзе ўведзена на частцы Аўгшдаўгаўскага і Краслаўскага краёў (мяжуюць з Беларуссю), што дазволіць Дзяржаўнай памежнай службе затрымліваць нелегальных мігрантаў і вяртаць іх на мяжу, якую яны перасеклі.
На такі крок раней пайшлі літоўскія ўлады.
За апошнія тры дні за незаконнае перасячэнне латвійска-беларускай мяжы затрыманыя 160 чалавек. 39 парушальнікаў былі затрыманыя на мяжы ў суботу, 35 — у нядзелю, 86 — у панядзелак.