YouTube запусціў падпісны сэрвіс без рэкламы
Кампанія YouTube, якая належыць Google, паведаміла аб запуску вольнага ад рэкламы платнага сэрвісу, які прадастаўляецца па падпісцы.
Сэрвіс, які атрымаў назву Red, будзе першапачаткова даступны ў ЗША за 9 даляраў 99 цэнтаў у месяц, пачынаючы з 28 кастрычніка.
Падпісны план накіраваны ў першую чаргу на людзей, якія часта націскаюць на надпіс «прапусціць рэкламу» і гатовыя аказаць фінансавую падтрымку стваральнікам відэа.
Падпісчыкі атрымаюць эксклюзіўнае права доступу да новых відэа, якія будуць выходзіць з наступнага года. Яны змогуць запампоўваць відэа на мабільныя прылады і праслухоўваць фонавую музыку, карыстаючыся мабільнымі праграмамі.
Акрамя музыкі, карыстальнікі будуць атрымоўваць струменевае відэа і поўнаметражныя фільмы.
Сэрвіс, які фінансуецца за кошт рэкламы, таксама застанецца даступным.
